, موقع طلبات الزواج , تعارف الجزائريين , طلبات الزواج للجزائريين , أرقام هواتف , اميلات بنات ,صور الحب , , ازياء و اناقة , نتائج التعليم , وظائف , زواج و تعارف ,مسلسلات تركية , رومانسية, الثقافة الجنسية ,طلبات الزواج للعرب
موضوع: ريجيم نزلي 20 كيلو باسبوعين الأربعاء 11 سبتمبر 2013 - 13:47
حبيباتي بادخل بالموضوع على طول طول طفولتي اشتكي من النحافه الشديده يعني تخيلوا عمري 8 سنوات ووزني 18 كيلو فقط سافرنا ايامها المانيا بالصيف للسياحه وقابلنا طبيب عراقي (رحمه الله مات الحين ) ولما شافني تعجب من عمري ووزني وعطاني فاتح شهيه ما ادري ايش هو وبدات اسمن صرت رائعه بعمر ال 11 سنه ماشاء الله ثم استذوقت الاكل وبدا يزيد وزني اكثر منعتني امي من الحلويات خوفا علي صرت اشتري بالكراتين واخبيهم بغرفتي وااكل بالهبل لان كل ممنوع مرغوب سمنت كثير صرت بالمتوسط ووزني تقريبا 48 بالثانوي انتبهت ان وزني 79 وعملت ريجيم قاسي نزلني 20 كيلو ب 20 يوم ودخلت بعدها المستشفى شالوا مرارتي وانا عمري 15 سنه غير نسبة الحديد اللي نزلت بشكل خطير ريجيمي الخطير هذا كان اني اضربت عن الطعام تماما فقط ااكل حبة فاكهه باليوم وامشي يوميا 6 كيلومتر جري سريع وبعدها مباشره زاد وزني اكثر من قبل يعني دور السنه صرت 82 استمريت بعدها بالريجيمات من شوربه حارقه و12في 12 وما ادري ايش من هالريجيمات اللي دمرت صحتي تماما تزوجت وزدت اكثر وصلت بعد الولاده 96 ولازلت مستمره بريجيمات الخرابيط هذه الى ان جاء اليوم اللي قلت فيه خلااااااااااص دبه وشعري يتساقط من فقر الدم ودائما ادوخ وحالتي حاله طيب لييييييييييييش مو معقوله كل النحيفات دايخات وتعبانات قلت ريجيم ايش يعني يعني نظام وانا نظامي غلط لازم اعدل حياتي والله السمنه اشد من ادمان التدخين جبت فوق ال 30 كتاب عن التغذيه وصرت ابحث بالنت وتوصلت الى ان الشحوم سعرات مخزنه وما فيها فيتامينات وحرقها بالطاقه تخفيض السعرات يؤدي الى تناقص الوزن والمجهود العضلي يحرق الدهون الموجوده بالجسم واي نزول بالوزن اكثر من 2 كيلو بالاسبوع يعني نزول وزن العضلات والعضلات هي التي تساعد على حرق الدهون يعني الريجيمات السريعه اللي تنزل اكثر من 2 كيلو بالاسبوع تذوب العضلات واذا رجعتي تاكلين عادي بتزيدين اكثر من قبل وكثيييير من المعلومات واهمها الهرم الغذائي يجب التوازن بالغذاء وشي ثاني الحرمان يولد الانفجار يعني لازم يوم اوف او اجازة اسبوعيا ناكل فيه فاست فود ولكن بالعقل اعتمدت حساب السعرات بالعزايم والفسحات علشان ما احرم نفسي وحطيت ريجيم كتبته على اساس ما قرات والنتائج كانت التالي نزل وزني بفضل الله ارتفعت نسبة دمي من 9 الى 11.8 ماشاء الله بارك الله ومع الرياضه ( تحديدا المشي ) انشد جسمي واختفت مؤخرتي تماما لدرجة انها صارت مو حلوة خخخخخخخخ بس فيه شي بقولكم عليه لازم تمشين على الريجيم بحذافيره يعني لا تنقصين شي
السبب اني لما وصلت ال 60 وقف وزني تمام قمت حرمت نفسي من الاكل تماما وصرت امشي على السير كثير ابي اوصل ال 55 صار عندي فقر دم شديد جدا وتساقط كل شعري وهذا انا قاعده اصلح الموضوع مع الدكتوره - ادعولي بس- وبالنهايه طلع ال 58 مو حلو علي ابدا لان بنيتي عريضه وحدي 60 الى 62 مو حلو اقل اصير عظام مصففه الان مع العيد ورمضان زاد وزني الى 66 ونزلته الى 63 ورجع زاد الى 65 اليوم الصبح وزنت وابي انزل الى ال 60 يعني 5 كيلو وبرجع لريجيمي ان شاء الله واللي تبي تمشي معاي حياها الله بهالموضوع وارجو من المشرفات انهم ما يقفلونه لاني والله نفسيتي تعبانه وخايفه ارجع اسمن مره ثانيه وكثير شجعوني عالم حواء والبنات قبل
واليكم الريجيم اللي يرفع نسبة الدم وينزل الوزن باذن الله وانا اللي كتبته بعد قراءات كثيره انا محدثتكم ام عبدالرحمن ( مالقيت اسم يقبله المنتدى الا هي دادا وسعوا صدوركم ونادوني ام عبدالرحمن الله يعافيكم )
ريجيم ام عبدالرحمن
يوميا ملعقة عسل صغيرة مع 2كاس ماء على الريق بعدها بساعه الفطور 1- كوب حليب قليل الدسم / او عصير برتقال طبيعي ( مسموح الجوالين الطازجه ) 2- قطعة توست واحده / او نصف كوب رقائق افطار خاصه بالحميه / او ربع رغيف عربي صغير / او نصف خبز صامولي 3- جبن قليل الدسم ما يعادل ملعقتين / او ملعقتين فول / او ملعقتين لبنه
( لك خيار واحد يوميا من كل رقم )
الغداء 1- صحن سلطه كبييير ( ممنوع استخدام المايونيز او الزيت او التتبيلات الجاهزة) 2- خضار مطبوخه بأي كميه ( مسموح قطعة بطاطا بحجم البيضه فقط ) 3- لحم / او دجاج / او سمك ( كلهم ما يعادل حجم 4 اصابع من الكف وبلا جلد او شحوم ) / او بيضتان / او نصف كوب عدس او فول 4- اربع ملاعق طعام فقط من الرز / او المعكرونه / او الجريش / او الفريكه / او البرغل / او قطعة خبز بحجم قطعة التوست
( من كل رقم تختاري صنف واحد يوميا )
العصر 3 تمرات / او قطعة فاكهه ( حميع الانواع مسموحه بشرط حبه واحده فقط وما تكون كبييره )
العشاء
فقط علبة لبن زبادي قليل الدسم مع حبتين خيار ( يجب الالتزام بالعشاء كما هو ويجب تناوله قبل النوم بثلاث ساعات على الاقل ) --------
- مسموح تناول الشاي والقهوة بأي كميه بلا سكر ( ممكن استخدام المحليات الاصطناعيه بكميه قليله) - مسموح تناول الوجبات السريعه بالغداء ولكن بلا مايونيز ولا جبن وشرط ان تكون مشويه مثلا همبرجر مشوي بلا جبن ولا مايونيز وازيلي خبزة واحده ( الكاتشاب مسموح ) البطاطا المقليه 10 حبات على الاكثر المشروب يكون دايت وهذا الكلام مسموح مرة واحده فقط بالاسبوع
ضروري المشي يوميا لمدة ساعه
هذا والله الموفق
بنات والله بتلاقون خير كثير بهالريجيم وكثروا خس كل ما جعتوا كلو خس يمشي البطن وسعراته سلبيه يعني يحرق سعرات اكثر مما يعطي وكمان الجرجير كثروا منه مع الاكل - ارعوا يعني - خخخخخ وصدقوني بتعتمدونه نظام حياه اذا ارتحتوا عليه
انا ابتديت من اليوم السبت 29 - شوال - 1428 وزني 65.1 ( على الريق من غير ملابس ) طولي 160.5 والهدف 60
بنات حطيته علشان افيدكم والله طلبي ذكروا ربي وقولوا ماشاء الله والله اني اقولها علىنفسي وعيالي دائما لاني شفت بلاوي كثير بسبب العين ومن اقرب الناس الله يعين
************************** منقووووووووووول يا اخواتي مو انا صاحبة الموضوع انا بس حبيت نسوي نفس الحمية مين تشاركني
اذا حابين تشتركون معي اكتبوا وزنك وطولك وهدفك وكل يوم اكتبي ايش اكلتي وكل يوم الاحد نكتب الوزن ونمشي يوميا مدة نص ساعه هاه بنات يلا انتظركم
انا ابتديت من اليوم الاحد 5- محرم 1429 وزني وللاسف الشديد 86) طولي 160 والهدف 60
جنسي
موضوع: ريجيم نزلي 20 كيلو باسبوعين 
الأربعاء 11 سبتمبر 2013 - 13:47
