بعشقك وجوايا غرامك...!!!!
　




جوايا انا شايل غرام
راقص علي لحن ومقام
نايم علي نبض الرحيل
بوسة في جبين المستحيل
سارح في همسة ملاك
صارخ باعلي الصوت هناك
انا مش بشر
انا لوحة وراسمها القمر
انا سخرية موت من حياة
انا جني وجنوني اشتهاه
وسفينة راحلة لخدها
سيري علي
بركة دعايا وعشقها
بركة مشاعري ورسمها
انا قلبي صفصافة دموع
وفي لحظة نسمة تهزها
من نظرتك حلم الرجوع
ترجع لبسمة حلمها
شوفي انا لحظة خلاف
هتلاحظي في عيوني اختلاف
علشان بحب
ومش زي أي حد يحب
ومش أي واحدة تنحب
عشان بعشقك
ومختلف القلب
انا بعصر الليل والقمر
علشان أحضرلك امنية
انا بحضن الزهر والمطر
عشان أكونلك أغنية
مش زي اي حد قالك وعود
انه معاكي الي الابد
انا جاي اقولك انا الأبد
مش بس وعايشلك للأبد
نظرة عيونك وانا المدي
وجمال صوتك انا الصدي
مش زي من قال اوعدي
اوعي في يوم راح تبعدي
انا جاي اقولك قربي
ماتسيبي مسافة ما بينا حلم
علشان كفاية نحلم كتير
اعبر ما بينها بلاد واطير
لحد هي ما تبقي علم
مش زي من قال اشهدي
اني في عشقك فيلسوف
بلقاكي في الاحلام واشوف
اني ما بين صدفة وقدر
انا حبي ليكي فلسفة
للحق والخير والجمال
سابقة بنور معني الكمال
او ابتسامة معجزة
بتقولي خلاص مش معجزة
بقيت حقيقة في حبك
وبقيت نوارس شطك
لو اعشقك
شوفي فيا عاشق مختلف
شوفي فيا مجنون مختلف
انا بعشقك
استسلمي
م الحب ده اتعلمي
الهروب من سجنه سجن
ما انا ف عيونك دي في سجن
من لحظة تايه من الحياة
بصي بعيونك للحياة
علشان اعود
واشرب ملامحك واسكرك
وتشوفيني عاشق مختلف
بعشقك



جو العاشق]

طَرَحَ عآنَقَ الآبـداعٍٍ بـ ثقه ,,
سَلِمَتِ ع هَكَذَا طَرَحَ,,
وسَلِمَت آنأَمَْلكــ آلَمَبُدّعه ..
ولأَحََّرَمَنـا نَثَرَ دَرّركــ ..
موَدَّتي

مشكور اخى على موضوعك المميز