كيش بالبطاطا و الكفتة

المقادير:
مقادير العجينة :
**العجينة البريزيه** تجهز بليلة قبل الاستعمال أو على الأقل ل5/6 ساعات

250غ دقيق أبيض رطب
120غ زبدة باردة جدا
80ملل ماء بارد جدا ندوبو فيه ربع ملعقة صغيرة ملح +نصف ملعقة كبيرة سكر نعملوه فالفريزر ملي نكونو كانوجدو العجينة

الحشوة:
نص كيلو بطاطا مسلوقة ومهروسة
كرات الكفتة
ثوم محكوك+معدنوس مقطع
ملح+ابزار
4 بيضات
القليل من الجبن المحكوك+2 جبن مثلث
3 م كبار من القشدة الطرية
3 م كبار من الحليب
(اذا ماعندكشي القشدة الطرية يمكن تستعمل 6 م كبار حليب)

الطريقة:
طريقة تحضير العجينة البريزيه:
**العجينة البريزيه**
كانجيبو الطحين والزبدة ونحاولو ندخلو هاد الأخيرة فالطحين ولكن بلا مانعجنوها ندخلوهم فبعضم بالأطراف دالأصابع ديالنا فحالي كانقرصوها

كانمزجوهم مزيااان حتى كيرجعو فحال حبيبات الك***ي والزبدة كاملا كاتندمج مع الدقيق

كانشكلو واحد الحفرة فالوسط ونجبدو80ملل ماء من الفريزر ونصبوه فالحفرة كامل

ونغلقو على الماء بخليط الزبدة والطحين

وبراحة اليد نطلقو الخليط فاتجاه الأسهم باش نحصلو على عجينة ونكررو العملية مرتين الى 3 مرات

المهم مانعجنوهاشي ونجمعوها وكنحصلو على هاد العجينة

نغطيوها بكيس بلاستيكي ونخاليوها ترتاح ليلة كاملة فالثلاجة
أنا هنا فاليوم التاني جبدت العجينة من الثلاجة وطلقتا بالمدلك

ملي نطلقوها نعبرو واش وصلت نالقياس ديال الصينية ولا باقي.. بهاد الطريقة

ونوضعو العجينة فالصينية مع الضعط باش مانخاليوشي الهواء ما بين العجينة والصينية

ومن بعد كانشكوها بالمشك مزيان وكانوضعو فوسطا ورق الزبدة نقطعوه على شكل دائرة وفوق الورقة نعملو حمص يابس أولا فول... اللي عندك المهم باش مانخاليوشي العجينة تنفخ وهي كاتطيب

وندخلوها نالفران باش تطيب فقط نصف خبز يعني مانخاليوهاشي حتى تطيب تمااما ونخرجوها ونزولولا الورقة ونرجعوها شي 5 أو 10 دقيقة باش حتى المكان ديال الورقة يتحمر شي شويا ونخرجوها

نخاليوها على جنب

ندوزو لتحضير الحشوة كنجيبو البطاطس المهروسة ونضيفو عليها المعدنوس والثوم والجبن المثلث والمحكوك والملح والابزار والكيمون ثم نعجنوها مزيااان

من بعد نوضعوها فوق العجينة بهاد الطريقة

نشكل الكفتة لي مع التوابل ديالا (ملح ابزار بصل...) على شكل كرات ونقليها فالزيت

ونضعها فوق البطاطس بهاد الشكل

الان نخفق البيض مع القشدة والحليب والجبن والملح والابزار ونصب الخليط فوق الكيش

ونرش الجبن على الوجه
ثم ندخله الفرن ويقدم
أنا كنت مزروبة خرجتو قبل مايتحمر هههه يمكن تخليوه أكثر حتى يتحمر