الاب:متزوج من امرأة جاهله لاتعرف الرحمة ولا الحنان
الام:انفصلت عن الاب منذ الصغر
الاخوة:5 سيؤن المعامله مع ابيهم وامهم واخواتهم لكنهم متزوجون ومشغولون مع زوجاتهم الانانيات..
امل:الاخت الكبيرة التي ربت اخواتها الصغار وهي الان متزوجه من رجل غني جدا و لكنها تغيرت على اخواتها الاخريات واصبححت مغرورة..
ريم: الاخت الاصغر من امل جميله جدا تفوق اخواتها في الجمال وهي الان متزوجه من رجل غني ايضا يحبها جدا ولكنها للأسف تغيرت على اخواتها الاخريات واصبحت انسانه اخرى لا يعرفونها..
هناء: الاخت الوسطى ..غير متزوجه تعيش مع ابوها وزوجته الظالمه تدرس في الكليه تخصص ادب اجليزي..طيوبه ومحبه لأهلها ولكنها تخاف كثيرا من اخوانها نتيجه لتعرضها لمواقف أليمه في صغرها..
تحب اختها الصغيرة سوسن..لم تكن هناء مثل اخواتها جميله ومغروره بجمالها مثلهم..
بل كانت عكسهم تماما ..كانت سمراء اللون وشعرها اجعد وقصيرة القامة ونحيفة حد الهزال..(بسبب زوجة ابوها الي كانت تحرمهم من الاكل هي واختها سوسن))..
سوسن:الاخت الصغيرة اصغر من هناء بسنتين..كانت تحب هناء جدا وتعتبر صديقتها وكانت متوسطة الجمال ولكنها اجمل من هناء..

لم تكن هناء تعيش كباقي صديقاتها من البنات ..(معليش بنااات تعبت من جد من الكتابه بالعربي اعذروني بكملها لكم بالعامي))...

كانت تشوف صحباتها في الكليه يغيروا ملابسهم كل يوم ماركات وعبايات وسواقين وشغالات..وغيره وغيروا.. وهي ولا حاجه..

بس ما كانت تنقهر كثيرر لأنها كانت اصلا قنوعه..بس احيانا نفسها في حاجه بس ماتقدر تجيبها لأنها فقيره وابوها انسان فقير معيشهم هي واختها وزوجته في بيت شعبي صغير من 3 غرف..((حتى في حي مقرف وكانت تستحي تقول لصحباتها فين هي ساكنه عشان ما يجوها صحباتها))
المهم : كانت هي واختها سوسن في غرفه وحده ..ومايقدروا حتى يخرجو من الباب ..لأنه زوجة ابوهم لها البيت كله وتزعل لو شافت وحده منهم بره في الصاله..
وفي الغرفه الصغيرة سريرين متباعدين وبينهم تسريحه ..وبساط ..السرير الي على اليمين لسوسن والسرير الي على اليسار لهناء..
كان هناك على الكومودينو دفتر صغير وقلم وقران وكتاب اذكار ..
هناء كانت تحب تقرأ القران قبل ما تنام..
وتكتب على الدفتر كل يوم امنيه تتمنى انها تتحقق وتدعي الله انه يحققها لها وتنام .. على عكس اختها سوسن..كانت تحط على كومودينتها مسجل صغير ((ووك مان))بسماعات كانت تعشق الموسيقى وكانت تعلق على سريرها صور الفنانين والفنانات المشهورين..
الي كانت امنيتها انها تصير زي واحد منهم ..



تكملة القصة
في يوم من الايام تطلب هناء من اختها سوسن انها تغيب من المدرسه وتجي معاها الكليه عشان يروحوا يشوفوا أمهم الي حرمهم منها ابوهم من سنين..
هناء:سوسن حبيبي ؟؟
سوسن:هلا هنو خير ويش عندك..؟؟ وجهك يقول كلام خطييير..!!
هناء:تضحك وتقولها الخطر بعينه...
سوسن:لالالا مانتي طبيعيه اليوم قولي اخلصي علي
هناء:من غير مقدمات ابيكي تغيبين بكره من المدرسه وتجي معايه للكليه...
سوسن :تفتح عيونها وتقول لا ؟ تمزحي
هناء: عندي لك مفاجأه..
سوسن: ويش المفاجأة؟؟
هناء:لو قلتلك ويش هي ما تصير مفاجأه...!!
سوسن :أأأه الله يخليكي قولي لي ويش هي المفاجأه؟
هناء:اللهم طولك ياروح ..ماني قايله لك يابنت الناس بكره بتعرفيها وترتاحي وتريحيني من حنتك هذي..
سوسن:اوووف منك لمن تصري على الشي..مافي فايده منك..
هناء:ابدا..
سوسن: الحين تهقين ابويه بيوافق؟؟
هناء:عاد انتي وشطارتك ياسوسو! سوسن:بروح اكلم ابويه بس على شرط؟؟هناء:ويش شرطك يا ست الحسن والدلال؟ سوسن:تقولي لي ليش تبيني اروح معك الكليه..
هناء: بقولك بقولك بس خلي ابويه يوافق اول؟؟
تبدأ سوسن بالتفكير في حيله عشان تقنع ابوها الي عمره ما رضى انها تغيب يوم من المدرسه..
واخيرا..لقيت سوسن عذر يخلي ابوها يوافق..
تتجه فورا لغرفة الجلوس تلاقي ابوها وزوجته النكديه تثرثر على راسه ..وهو داخل معاها في نقاش ماله امل ان ه ينتهي...!
تدخل عليهم سوسن وتقاطعهم..
سوسن:ابويه؟
الأب:خير انت ويش جابك الحين؟
زوجته:(وهي تطالع سوسن بسخريه) ويييه ويش تبي ذي بعد؟؟
سوسن:( وهي واقفه وعيونها في الارض )ابويه بكره ابي اروح مع هناء اختي الكليه؟؟
الأب: ليش ومدرستك؟؟
سوسن:ايه صحيح انا ما علمتك انه معلمة التربيه الاسلاميه عندها بكره محاضره بالكليه بقسم الدراسات الاسلاميه وقالتلنا الحضور عليه درجات...
الأب:ايه...زين زين..يعني تروحين مع اختك وترجعين معها؟؟
سوسن :(وهي تحاول تكتم الفرحه وقلبها يدققققق) ايه يبى..
الأب:خير انشاالله
سوسن:اجل يبى انا بروح انام تصبح على خير..
وفي نفس الاثناء الي راحت فيها سوسن تكلم ابوها..كانت هناء تسرح وتحلم بمقابلة امها كيف حتكون وخصوصا انها ما شافتها من زمان..تقريبا 8 سنوات..
وفكرت هناء تشتري لأمها هديه من مصروفها الي جمعته عشان تشتري فيه كتاب ..
وقالت بدل الكتاب احسلي اشتري لأمي هديه تفرح فيها..
وفي هذي الاثناء دخلت سوسن على هناء تجري فرحااانه مو مصدقه انه ابوها وافق على روحتها مع هناء..
سوسن:هناء؟؟
هناء: شاردة الذهن تفكر في هدية امها؟؟؟؟
سوسن: تقرب من هناء وتضرب خد هناء ضربه خفيفه بيدها..وتقولها هي هنو وين روحتي؟؟؟
تقوم هناء تفوق من احلامها وتقولها :ابويه وافق؟؟
سوسن: ايه وحنا ويش نقول من الصبح؟؟؟
هناء ما تمسك نفسها من الفرحه وتقوم تبوس سوسن وتمسكها من يدها وتدورها ...وهي تضحك بصوت عالي يااااي..
سوسن تحاول تحط يدها على فم هناء وتسكتها وتطلب منها انها توطي صوتها لا احد يسمعهم...وهناء خلااااص راااحت فيها ضحك وبعدها انتقلت عدوى الضحك لسوسن وكلهم سارو يضحكوا وما يقدروا يمسكوا نفسهم...وهاتك ياضحك....
الين سمعوا صوت زوجة ابوهم تصارخ على ولدها..((نغصت عليهم ضحكهم))..
قامو جري كل وحده على سريرها ونامت سوسن ..ولكن هناء ما قدرت تنام ذاك اليوم من الخبر السعيد الي جاها من اختها ريم انه امهم عندها..عشان كذه هي حبت تفاجأ امها بجيتها!!!
اصلا هناء من يوم ما قالتلها اختها ريم انه امهم عندها وهي ما بطلت أسئله..
قعدت تسأل ريم اختها عن امها :
كيف شكلها؟
تغيرت ولا لاء ؟؟
وريم كانت تصرخ في وجهها عااادي نفسها ما تغيرت ..
وطلبت منها انه الموضوع يكون بالسر ولا احد يعرف..
لأنه لو ابوهم عرف ماراح يرحمهم كلهم..



في الصباح تقوم هناء من النوم.. وتصحي سوسن الي دايما نومها ثقيل..
هناء:سوسو..؟ حبيبي..؟ صباح الخير..؟ يله قومي مانبي نتأخر على الباص..؟؟؟
سوسن :همممممممم..
هناء:يله قومي ولا المفاجأة بتفوتك..!
سوسن :هااااا...
تنهض سوسن من السرير بسرعة البرق وشعرها منكوش..وبسرعه تجري عالحمام تجي تلحق تلبس..
سوسن :هنو ويش البس انا؟؟
هناء يتغير وجهها وتحاول تفتح الدولاب وتبدأ تدور ملابس لأختها سوسن..هناء:محتارة ويش اعطيك؟؟؟
سوسن: من زود الملابس الي عندك محتارة؟؟..اخلصي علي ترانا بنتأخر..
هناء تمسك ببلوزة سوداء وكم قصير قطنية ولونها باهت وقد اكل وشرب عليها الزمان..(اعطتها هي اختها ريم قبل 4 سنوات..
سوسن: الحين لايكون هذي الي بلبسها انا؟
هناء:( تطالع سوسن وترفع حواجبها وتحرك راسها بنعم..من دون ما تتكلم..)
سوسن: بنبرة حزينه..لا والله ما البسها هذي قديمه مررره تبي الناس يضحكون علي؟؟
هناء:طيب ويش الدبرة..انا ماعندي غيرها هي وهذي التنورة..( الكلوش الكحلي)..
سوسن:ايه صحيح وين التنورة القصيرة حق امل..
هناء :لا والله تبين تلبسين قصير؟؟.. تبي ابويه يمصعك بالعصا..الحين البسي هذي ولا تشلحي عبايتك..
سوسن:من زين عبايتي..الي كلها خيوط منسله..
هناء :ابعطيك عبايتي انا وانا باخذ عبايتك..اصلا ما احنا مطولين بالكليه كلها ساعتين وبنطلع..
سوسن:طيب ..وتروح تلبس ..وتطلع عليها التنورة مشمورة..(اقصر منها بشويه)
هناء تطالع سوسن وتضحك..وسوسن تشمق في هناء بضحكة...
زوجة ابوهم بره تنادي يله الباص يابنات..
يسرعوا هناء وسوسن يخرجوا ويطلعوا الباص..

لمن راحت سوسن مع اختها هناء الكليه وكانو يتمشوا في ساحة الكليه...طلبت سوسن من اختها هناء انها تقولها ليش اخذتها معاها اليوم؟؟
سوسن:هناء ماقلتيلي ويش هي المفاجاة يا هنو..
هناء: (تبتسم وتطالع في سوسن)وتقولها اليوم بنرووووح عند..؟؟؟
سوسن :عند مين تكلمي بسرعه قولي..
هناء: امممممممممممممم ..
سوسن: والله لو ما قولتيلي عن مين لاأعلم ابويه؟؟؟
هناء:تضحك وتقولها..عند امي!!

سوسن:(تفتح فمها بذهول)وتقول هناء من جد؟؟
هناء:ايوة امس كلمتني ريم وقالت لي انها عندها..
سوسن طيب ليش ما قلتيلي؟؟
هناء:عشان اخاف ترتبكين قدام ابويه وابويه بعدين يشك..
سوسن :اهاأأ..طب يلله يله بسرعه نروح..
هناء :طيب بس ننتظر الباب يفتح الساعه 10 وبنروح مع سواق منى صحبتي..

سوسن:وين منى..؟
هناء:في المحاضرة..انا اليوم مزوغه معطيه نفسي اجازة..ههههه
سوسن:طيب خلينا نروح الكافتيريا ناكلنا شي بمووت من الجوع..
هناء:لالا انا ماني رايحه من هذا المبنى..عشان انتظر منى لمن تخرج من المحاضرة لا اضيعها
.وانتي لو تبغي تروحي روحي بس انتبهي تضيعي المبنى تراه رقم 6..احفظي رقمه..
سوسن : طيب ..سته ..سته!
وبينما هناء قاعده تنتظر منى ..تجي من خلفها احلام وتضربها على ظهرها كيفك يابنت؟؟..
هناء بنت خجوله تلتفت و تبتسم وتقول لأحلام:انا بخير وانتي ويش اخبارك؟؟
احلام: ليش واقفه لوحدك؟؟ماعندك محاضرة؟؟
هناء :الا بس اليوم حاسه نفسي تعبانه وما نفسي احضر...
احلام : حلوحلو والله وسرتي زينا يا هنو وتزوغي عن المحاضرات ..مين يصدق هناء المجتهدة الدافورة ماتحضر...
هناء:ويش يعني هناء؟؟؟ يعني انا مو بشر ابي ارتاح زيكم؟؟
وتجي رباب ديقة احلام وتاخذها..وتقولها احلام يله عن اذنك..
هناء في هذي اللحظات تطالع في الساعة وتنتظر خروج منى على احر من الجمر..
وتسرح بفكرها بعيد..عند امها ..وتحاول تتخيل مع نفسها كيف حيكون اللقاء..
اكيد حتحضني كثيررر واكيد حتعوضني هذيك السنين الي فاتو..
يا الله كم لي عن امي ..اتذكر ؟آخر لقاء كان بيننا وانا كنت في الصف الخامس الابتدائي..وسوسن كانت سنه تانية ابتدائي..
اماسوسن ..بطبعها مبتسمه واجتماعية تحب تتعرف على الناس مو زي اختها هناء انطوائيه وخجوله نوعا ما..
كانت سوسن جالسه على طاوله في الكافتيريا ..مع بنتين تعرفت عليهم وما صدقت تلاقي احد تتكلم معاه انفلتت تثرثر عليهم سخافاتها وما سكتت..
وفجأة تدخل عليها أختها هناء وصحبتها منى..وتشوف هناء اختها سوسن وعندها بنات جالسات..
سوسن: حياك هنو..
هناء :بصوت مكسوف..منى هذي اختي سوسن اعرفك عليها..
منى:تبتسم وتقول من جد اختك..والله غير عنك ما تتشابهوا ابد..
سوسن :تضحك وتسلم على منى وتقولهم تفضلوا اعرفكم على صحباتي الجدد..
هناء تدق منى بكتفها..وتقولها يا كرهي للك لمازحتي..
وتطلب منها انها تعجل عشان يروحون..
سوسن تعتذر للبنات وركض ركض يلبسون ويتوجهوا للبوابه معاهم منى..

عند البوابه منى وهناء وسوسن واقفين ينتظروا السواق..
شويه ورن جوال منى (نغمة اليسا لو تعرفوه..)..منى:( ترد على السواق) جو؟وينك؟اجل قدم شوي ...هنا ..وتجي سيارة جيب لكزس اسود ومظلل..وتقولهم يله يا بنات ..؟؟
هناء تطالع سوسن بانبهار وسوسن تردلها نفس النظرة وبعدها ركبوا السيارة..!
اول مرره في حياتهم يركبون لكزس..سوسن تدق هناء في السيارة وتقولها سيارتها مررره فخمه..وهناء تقرب منها وتقولها بس عيب تسوسريني بعدين البنت ايش بتقول علينا؟؟؟
منى: بنات ويش فيكم ؟؟؟
هناء :هااا؟؟ لا ولا شي؟؟
السواق تيب انا دهين فين روح ؟؟
منى تطالع هناء وتسألها وين بيت ريم اختك؟؟
سوسن :الله اكبر الي يسمعك الحين يقول هنو تعرف الطريق مرررره... اصلا ذي اول مره نطلع فيها لحالنا..
هناء : سوسن؟..تبي تسكتها..
منى يله وين اقول السواق يتجه؟؟
هناء :شارع قريش..وبعدين لو وصلنا هناك بتصل على ريم توصف له الطريق..
سوسن:تدق هناء وتقولها هناء انا خايفه..!
هناء :ليش خايفه ؟؟ سوسن :اخاف ابويه يكون مراقبنا..
هناء:سوسن والي يرحم والديك فكينا من هذرتك..علا ضمانتي ماراح ننكشف..
هناء برضه هي زي سوسن متوتره وخايفه من انهم ينكشفوا..بس قاعده تطمن سوسن وتهدي اعصابها الطريق كله..
وفي الطريق كانت هناء واختها سوسن منبهرين بالعالم الخارجي ويعلقوا على المطاعم والفنادق وكل ما شافو حاجه تكلمو عنها..الين ما طفشوا منى..(لأنهم ما يطلعوا من البيت الا في السنه حسنه)ابوهم حابسهم عن العالم الخارجي حتى اخواتهم ما كان وديهم عندهم ولو وداهم كأنهم غريبين مايطولو عندهم.
هناء:منى؟
منى:نعم
هناء:ابي اروح اشتري لأمي هديه عطر واغلفه وبعدين نروووح..
منى:طيب يله جو روح على وايسسيس موول..
السواق: طيب ..منى:تحبي تاخذين لها عطر معين ولا اي عطر..
سوسن تتدخل:ههء من زود القروووش..
هناء تدق سوسن وتقولها :الا معايه وترد على منى وتقولها :اي عطر مو جاي على بالي عطر معين ..
منى:ويش رايك في عطر مس ديور,,ولا عطر كاروليناهريرا ولا جنيفر لوبيزولا ولا .........الخ
هناء طبعا ما تعرف ولا عطر من الي قالتهم لها منى وكانت ساكته وما ردت عليها....
سوسن قاعده تضحك على اختها..
ولمن وصلو المول...
منى :يله يابنات انزلوا..
هناء :سوسن انا بروح مع منى ومحنا مطولين..خليك في السيارة..
سوسن:يا سلام وليش انا لحالي الي انثبر..لا والله لروح معكم..
منى:ايه تعالي احسن تشوفي الدنيا..
وهم داخلين المل..يقابلوهم 3 شباب مليحين..وهناء وسوسن ماشين و لاصقين ببعض..يتلفتو خايفين احد يعرفهم..مرتبكين..
والشباب يغازلوهم..
يقولولهم:احلا موزاززز
منى :تلتفت عالشباب وترد:استحي على دمك انت ما عنك اخوات؟؟
هناء وسوسن يترجوها انها تسكت خايفين لا تصير مشكله وتوصل للامن ..ومنى تسكت عشان خاطرهم ..
ويروحوا مكان للعطور وهناء اختارت عطر عجبها لكن سعره كان غالي وما جا على قد فلوسها الي كانت محوشتها..تقوم منى تطلب من صاحب المحل تغليف العطر وتدفع الحساب وتعطيه هناء..وهناء تنحرج منها وترفض انه تاخذه ..ومنى تقولها احنا اخوات ومافي بيننا كلفه و... تترجاها عشان تاخذه وفي النهايه تقبل تاخذه بس على انه سلف وبترجعه لها بعدين....ويرجعوا للسيارة والين ما وصلوا بيت ريم..
منى:هذا شارع قريش يله دقي على ريم اختك..
سوسن:ما عندها جوال تدق..
هناء:تطالع في سوسن وتقولها ترا منى تدري انه ما عندي جوال..
منى:(تعطي الجوال لهناء وتقولها خذي دقي؟؟)
هناء :ياربي ماني حافظه رقمها زين؟؟؟؟
منى:تعصب على هناء..منى:هناء من جدك اتي الحين جايبتنا لاخر الدنيا وبعدين تقولين ماني حافظته,,
سوسن:يله نحاول نتذكره..
منى: تعصب من سوسن لاوالله جبتي الغايبه انتي وجهك..!
هناء: (متوتره جدا) جاتها فكره قالت لمنى انا اتذكر العمارة جنبها تموينات كبيره..منى: ها وايش اسمه التموينات..
هناء مع سوسن:في وقت واحد ومع بعض تموينات غادة..!
منى:اشوى تذكرتوها الحين يله يله على الله تكون هي نفس الفلة..؟؟ّ!
ووصلو عندها.. منى:هذي هي ؟ هناء وسوسن مع بعض:ايوة هذي هي الفلة..
منى اطلعوا شوفوها وردولي خبر اذا مطولين او لا.. انا هنا استناكم!!
هناء وسوسن يفتحوا باب السيارة وينزلوا..ويودعوا صديقتهم منى..
هناء وسوسن مو مصدقين انهم وصلوا عند امهم..
يدقو جرس الفله..تجي الشغاله(ريتا) وتفتح لهم وهم يسألوها فين مدام ريم..؟؟؟
الشغاله :روه شوقل(راحت الشغل)
يدخلوا عالصالون ومايلقوا احد..يسألوها عن امهم؟؟
تقولهم فوق نايمه..
يطلبوا من ريتا تروح تعطيها خبر انهم تحت يستنوها..
تطلع ريتا وتكلمها..ريتا نزلت وقالتلهم شويه دحين تجي..وراحت ريتا تجيبلهم العصير..
هناء وسوسن منتظرين هذي اللحظة من سنين (انهم يشوفوا امهم)..
دقايق وريم تدخل من الباب وتتفاجأ بوجود اخواتها هناء وسوسن..
ريم: (بوجه عبوس)مين جابكم؟
هناء تجي بتحضنها تقوم تبعد عنها بقرف..كأنها متقرفه منها وتصافحها بطرف يدها وتسحب يدها فورا..
وسوسن تقوم تصافحها بس..
ويسألوها عن امهم..
تقوم تطلع فوق وتطنشهم..
وهم يستنوا امهم تنزل هناء تطالع في الساعه وتقول لسوسن اخاف نتأخر صارت الساعه 12 ونص وعلى بال ما نوصل مع الزحمه اخاف ابويه يهاوشنا..
سوسن:وايش فيها امي مانزلت؟؟
هناء :اكيد انها تاخذ شاور وبتنزل..
وهم في هذي الاثناء امهم تنزل وتصيح تنادي ريتا؟؟ريتا؟؟
ريتا :نعم ماما
امهم:جيبي الشاهي..ريتا :طيب ماما
وتنزل الصالون وتطالع في بناتها ..ببرود وتسلم عليهم ببرووووووود
وتقولهم ماشاء الله كبرتوا..بس وحشتوا..! ايش هذا؟ ابوكم ما يأكلكم مجوعكم كأنكم طالعين من مجاعه..شوفوا بنات خالتكم الوحده زي الوردة متفتحه وهم باعماركم..
اصلا انتو مش طالعين عليه في الشبه انتو تشبهوا لأبوكم..
هناء انصدمت اولا من لقاء اختهم ريم لهم ..والاهم من هذا هو مقابلة امهم لهم..
وسوسن زيها مصدومه..(كانو متوقعين انها راح تاخذهم بحضنها الدافي وتعوضهم..
امهم: تمسك الريموت وتحط رجل على رجل ..وتطالع التي في؟
هناء ماسكه كيس الهديه في يدها وحاطه عينها في الارض وعيونها كلها دمووووع..
سوسن تطالع في امها وتحتقرها بنظرتها..
امهم : كيف جيتوا؟ابوكم جابكم؟
هناء ايوة صح امي معليش احنا جايين مع صديقتنا منى نسيناها بره بنروح الحين خايفين نتأخر..
امهم:يله انتبهوا على نفسكم.. وتعالوا المره الجايه..
سوسن :مع السلامه هناء:( قبل ما تخرج) امي قبل ما اروح خذي هذي هديه مننا لكي..
امهم:مشكوره ياقلبي ما كان عذبتي نفسك..
وتخرج هناء هي وسوسن والصدمه مغطيتهم..
امهم اصلا انانيه تزوجت غير ابوهم ونسيتهم من زمان ..
وكان هذا حلم وامنية كبيرة تمنتها هنــاء من زمااان وحصل الي ما كان تتوقعه هناء ولا سوسن..
ن..
تكملة القصة
وبعد ليلة مليئه بالدموع والاحزان باتت هناء واختها سوسن ومخداتهم غرقانه دموع ..
وكانوا يتمنوا نهم ما يكونو ا بنات في هذه العيله الانانيه..جلسوا يتذكروا طفولتهم البائسه وجلسوا يتذكروا اخواتهم امل وريم لما كانوا يعيشوا نفس حياتهم هذي ..وصارت هناء واختها سوسن يشكوا في علاقتهم مع الناس يعني انعدمت ثقتهم بالاخرين...بسبب هذي الصدمه..
هناء: (وعيونها كلها دموووع وبصوت حزين) ليش امي و اخواتي تغيروا علينا؟؟
سوسن: ما ادري ليش؟؟ يمكن امي تغيرت بحكم انها بعدت عننا من زمان من واحنا صغار وقسي قلبها من البعد..و اخواتي تغيروا يمكن لأنهم يتفشلو مننا ومن شكلنا ومن حياتنا..
هناء :طيب هم نسيوا انهم كانوا عايشين هنا ونفس ظروفنا..؟؟؟
سوسن:ايوة يعني المفروض يحسوا فينا صح؟؟ هناء تطالع في سوسن ويقعدوا الثنتين يحضنوا بعض ويبكوا. بحرقه,,,
وبعدين يسمعوا اذان الفجر ويقوموا يصلو وتعوذو من ابليس ويرجعوا يناموا......
وبــــــــــــعد اسابيع من ذيك الصدمه..هناء تتعرف على شلة بنات (دشر) وتبدأ حياة جديده..
الشله مكونه من خمسة بنات:
فايزة :اسم الشهرة (فراوله) رئيسة الشله طويله بيضاء- بويه- شعرها زي الايمو(قصة شوجي)
سمر:اسم الشهره(شوكلاته) نائبة الرئيسه متوسطة الطول شعرها مو مرره طويل مصبوغ بني سمراء وجسمها ممتلئ
ليلى:اسم الشهرة(لولو كاتي) خققققق..دلوعه ومايعه وشعرها ناعم ومصبوغ ملون ودبدوبه لونها قمحي فاتح ومتوسطة الطول
نيفين: اسم الشهرة(روبي)طويله بيضاء شعرها اسود طويل متوسطة الجسم عليها عيون تذبح جميله جدا..مسويتلها مشاااكل مع الشباب بالذات لمن تلبس اللثمه..
حنان:اسم الشهرة(نانا) كوووول شكلها ملابسها وصبغتها وشعرها. كدش ..و.قصيره ونحيفه وشعرها ميشته..ولونها قمحي فاتح..
هناء:غنية عن التعريف تعرفوها قد عرفتكم عليها من اول القصة بس يله ماعندي أي مانع اعيدلكم مواصفاتها..
هناء: اسم الدلع (هنو) قصيرة وسمراء بس مو مررره قمحي غامق شعرها خشن لونه بني غامق ونحيفه مررره عظامها بارزه من الهزال..اسنانها الاماميه شويه متقدمه..لكنها بنت طيبه وحبوبه وخجوله وحساسه جدا ورومانسية وخياليه لأبعد حد..وحنونه ومجتهده في دراستها ومن الاوائل يعني البنات يسموها دافوره...
قصة تعرفها على هذي الشله الخايسه....
مره كانت هناء جالسة لحالها في المبتى فوق على الدرج وتذاكر للأختبار وفجأة تسمع صوت صراخ بنات تحتها اسفل الدرج..وخافت هناء ونزلت تشوف ايش في..؟؟؟
ولمن نزلت من الدرج لقيت فايزة ونيفين وليلى وسمر شايلين حنان وقاعدين يحاولو يفسخوها ملابسها وهي تصرخ وتحاول تفلت منهم وهم كلهم متجمعين عليها ويضحكو ضحك مو طبيعي وصوتهم عااااالي واصل لآخر الدنيا..
هناء: بنات حرام عليكم مايسير الي قاعدين تسووه في البنت سيبوها؟؟
فايزة :تطالع هناء وبصوت رجولي ايش؟؟
هناء:ممكن اذاكر..انا عندي اختبار بعد نص ساعه وماني عارفه اركز من دوشتكم؟؟
فايزة:بس يابنااات خلاااص سيبوها ربي شافلها اليوم عشان ذي البنت الطيبه بس..
ويبعدو البنات عن حنان وتقوم حنان وتروح تسلم على هناء وتشكرها على وقوفها جنبهم..
وتطلع هناء تذاكر وتدخل الاختبار..وبعد الاختبار وهي نازله تقابل الشله وتبتسملهم وهم ينادوها ويسألوها عن اختبارها كيف كان وبعدها تجلس جنبهم وتبدأ تطالع في حركاتهم وتعجب في اسلوبهم البارد والامبالاه في الحياة
هناء بنت تربت تربية دينيه بين اهلها ولا عمرها تعرف حاجه عن جو الصياعه والدشره..!!
وبدأت الشلة تتقرب من هناء شوية شويه الين صارت هناء عضو منها..في البدايه كانت هناء متفرجه ومعجبه بحركاتهم واسلوبهم وشويه شويه ..
حنان: تستهزأ بنظارات هناء..والشله تضحك عليها وتعليقات ومحشات عالرايح والجاي وهناء مره تبتسم ومره تسكت وكل يوم اشتغلوها مسخره ..على شكلها وملابسها الي تكررها ولا على شعرها ولا على اسنانها ولا على نحفها ووووالخ......
الين مررره هناء: انفجرت بالبكاء فجأة بعد ما اتمسخروا عليها كالعادة..بس هذي المره ما قدرت تمسك نفسها ...
فايزة: حبيبي هنو انا ابغاكي في موضوع يخصك تعالي ورايه؟؟؟
هناء تكون جالسه مع الشلة وحنان كانت ماسكتها من خصرها وتحاول تعتذر منها..وتقوم جري ورا فايزة..
فايزة الي تكون واقفه مستنيتها في وسط الساحه..هناء: ها ؟؟؟... قولي لي ايش تبغي مني؟؟
فايزة: هنو ياقلبي انتي عارفه قد ايه انا اعزك واحترمك من بين الشله؟؟و انا بقولك كلام لمصلحتك انتي قبل مصلحة الشله..بس قبل ما قولك الكلام ابغى منك وعد انك ما تزعلي مني واعتبريني زي اختك تماما....
هناء:الله يسلمك والله انا كمان اعزك وانشاء الله اسوي كل الي يرضيكي بس قولي لي ايش هو الكلام؟؟؟...
فايزة:تبتسم ابتسامه الرضا وتقول لهناء:هنو حبيبي انتي بنت مررره حلوة و الكلام الي قالوه البنات لكي كله مزححح ولا تاخذيه جد بس هم بيسوا معاكي كذه عشان يبغوكي تهتم يشويه بشكلك انا نفسي تروحي معايا الصالون وتعملي نيولوك وتزبطي شكلك وتغيري كل شي فيكي..عشان تكوني ستايل في الشله ..وتكمل شلتنا لأننا بصراحه ومن غير زعل نحس انه شكلك غلط وانتي جالسه في الشله وبتلفتي الانظار علينا وبتشبهينا..وتلبسينا تهمه..وتتضحك فايزة وتحضن هناء وتقولها امزح ياشيخه لاتكوني زعلتي ..؟؟؟
هناء في هذه الاثناء تنحرج وتوطي راسها وتبدأ تفكر في كلام فايزة وتسكت وما ترد عليها...
فايزة تسألها ها ايش قولتي ياقمرررر؟؟
هناء: ساكته منزله راسها تفكر وما تتكلم...؟؟؟
فايزة ايشبك لاتكوني زعلتي ياعسل؟؟
هناء: تهز راسها بمعنى لاء.... تء تء؟؟؟
فايزة :انا ماراح اضغط عليكي كتير ياقلبي بس انتي عارفه الشله ورأيها فيكي ويمكن ما تستمر علاقتنا بيكي بسبب تافه زي هذا..لكن انا اسيبك تفكري وتردي لي اوكي ياعسل؟؟
هناء:اوكيه....!!!!!
وتجلس هناء تفكر بالموضوع وتدور الكلام براسها وتحاول تقتنع ..وتقول لنفسها ..ايوة صح البنات عندهم حق بصراحه انا لازم اغير من شكلي عشان اصير معاهم ...بس انا عندي كثير اسباب تمنعني من تغيير شكلي اولا انا كيف حقدر اقنع ابويه بقصة شعري وثانيا من فين حدبر الفلوس وغير كذه الاستاذات ايش راحو يقولو عني؟ ورابعا البنات الي في قاعتي ..ايش حيقولوا عني؟؟
تروح هناء البيت وتفاتح اختها سوسن بالموضوع..
هناء: سوسن انا قررت قرار ؟؟
سوسن :ويش قررتي يا ...؟؟
هناء: قررت اروح الصالون واغير من شكلي؟؟
سوسن: لا تقولي انك بتقصي شعرك؟؟؟
هناء: ايوة بقص واصبغ واسوي زي صحباتي..
سوسن: وهي تحط ايدها على راسها..ويه وووويه..وابوك نسيتيه والله ان يدري لايذبحك..!!
هناء: ليش يذبحني انا ما سويت غلط كل البنات يسوون كذه؟؟!!
سوسن:ادري انه مو غلط بس ماانتي عارفه ابويه ما عنده لاصوالين ولا خرابيط..وربانا على كذه..ولا انتي نسيتي الظاهر انه هذي الشله لعبو براسك يا هنوووو ..فوقي شويه واوزني كلامك الي قلتيه بتلقينه مو بمصلحتك الله يصلحك ويهديكي..
هناء: ما ادري ليش احسك تذكريني بجدتي وانتي تتكلمي هاااي فوقي انتي لنفسك يا سوسو اصحي لين متى واحنا في هذا السجن والحرمان روحي شوفي البنات وين وصلو ..جوالات وملابس وسواقين وشغالات وقصات وصبغات واحنا الي زي جداتهم بدقه قديمه والله اني استحي بين صحباتي وانا اكرر في هذي اللبسين الي معايا..

سوسن:عالعموم انا نصحتك وعقلك براسك تعرفي خلاصك ..ولاتقولي لي بعدين ليش مانصحتيني؟؟؟
هناء: بس تكفين عاااد ياجدتي حصه اقول فكينا بس من نصايحك بلا خرابيط بلا هم.!!!
واليوم الثاني هناء تناددي فايزة وتقولها انها اقتنعت بفكرة تغيير شكلها.. وفايزة تفرح وتحضنها وتشجعها بس هناء تشكي لها ظروفها الماديه ..!
بس فايزة تطمنها وتقولها انها بتتكفل بكل شي ..وفايزة اخذت موعد مع الكوفيره الساعه 10 الصباح في اليوم الثاني..
واليوم الثاني راحت هناء مع بنات الشله للكوافير ...وهناك؟؟؟
فايزة قالت يابنات كل وحده فيكم تعططي هناء نصيحه في شكلها عشان تغيره..
سمر قالت تقص وتفرد شعرها..
حنان قالت تشيل النظاره ذي بس..الي كنها انسه منش نالي في سالي..ههههههه والبنات كمان قعدوا يضحكوا...
نيفين قالت تسوي تنظيف بشره وحمام مغربي..
ليلى قالت تشيل حواجبها وتسوي حلاوة لجسمها وفتله لوجهها..
فايزة قالت وما يبقى لها الا الصبغه المناسب هالي على لون بشرتها... وطلبو من الكوفيره انها تساعدهم وتحاول تنجز هذا كله بسرعه..
طبعا الكوفيره ما كان عندها زحمة وقالتلهم انها ممكن تنجز هذا كله بس راح ياخذ وقت الين الساعه 3 العصر..وهم قالولها خذي راحتك بس طلعيها لنا عروسه...
هناء تخرج من عند الكوفيرة تحولت الى بنت ثانية خرجت بشكل جديد ودعت هناء القديمه شكلها بكل مافيها ..وما تبقى هناء الي نعرفها ..الا طيبة قلبها الي ما تفارقها وعفويتها البسيطه...
هناء:تخرج للبنات وتسألهم :ها كيف شكلي يابنات وايش رايكم فيني؟؟؟
بنات الشله كلهم قالو بصوت واحد: وااااااااااو تجنيني ...
هناء فجأه تتطالع في الساعه وتتذكر انها تأخرت على البيت...وتقول للبنات..
هناء:أوووووف الساعه ثلاثة وربع تأخرت مررره عالبيت اكيد ابويه الحين ينتظرني الله يستر الحين شكلي بروح والاقيه مقيم الدنيا ومقعدها...
فايزة: وهي تطبطب على كتف هناء.. لا ياقلبي لاتخافي انشاء الله مايسير الا كل خير واذا صار لك شي طمنينا عليك اول بأول..
و تقولها هذي رقمي ودقي علي على طول لمن توصلي وطمنيني ..؟؟؟
هناء :تاخذ الرقم من فايزة وتقولها اصلا مدري كيف حكلمك والتليفون في غرفة زوجة ابويه..
فايزة حاولي ياقلبي ...
وشويه وسواق فايزة يكون بره وتركب هناء معاهم ويوصلوها بيتها وهي خارجه البنات يودعوها بااااي طمنينا يا حلوة...؟؟؟
هناء تنزل من السيارة على اذان العصر..وهي ترتجف من الخوف وتدعي الله انه يفرج كربتها....
وتدق باب بيتهم...وتفتح لها زوجة ابوها وهي مستنيتها اصلا..
زوجة ابوها:هااا تو الناس؟؟
كان نمتي بالكليه ياالداشره؟؟
هناء تطنشها وما ترد عليها وتجري على غرفتها عشان ابوها ما يشوفها..وتقابل اختها سوسن عند باب الغرفه تأشر لها بيدها ياااااويليييك وتقولها ابويه في الغرفه قاعد ينبش بأغراضك...!!!
وعلى طول هناء تدخل عالحمام وابوها يشوفها ويشوف شكلها ويقوم يلحقها ويمسكها من شعرها وين كنتي يا...... ويطيح فيها ضرب ..واهانه وسب وشتم وزوجته تجي تقوله ايه زيدها تستاهل قليلة الحيا ..ويقوم ابوها ويدخلها الحمام ويحبسها يومين..
وهناء تصيح :ابويه توبه ابويه آخر مرره.. وسوسن تبكي وتمسك رجل ابوها وتحبها وتقوله : بس يابويه خلااااص الله يخليك سيبها يقوم ابوها يتفل على سوسن ويقولها ابعدي تدافعين عن هذي الواطيه يعني انتي زيها؟؟...والله والله لأحرمها من الكليه ....تقوم سوسن تطالع في زوجة ابوها بنظرة رجاء..
زوجته تطالع في سوسن وتقولها أحسن خليها عشان تتربى وما تعيدها مره ثانيه قليلة الادب الي ما تستحي....
هناء في الحمام تدق الباب وتنادي ابوها وتستسمحه وهو يقلها أخليك تتربين ومالك مكان غير هذا الحمام الي انتي بمقامه..
هناء وهي تبكي تنادي سوسن وتقولها سوسن الحقي علي بموووت ابويه ضربني لين دمي نزل وراسي كله دم..ابي مويه..سوسن تهديها وتقولها كله منك ما سمعتي كلامي وهذي انتي حالك الحين ما يسر..
وتروح سوسن للغرفه..وهي قلبها بيتقطع على اختها ..وتبكي كثيررر...وما بيدها حيله...


وبعد يومين من الحبس الانفرادي.. يجي ابوها يفتح باب الحمام ويلقى هناء مرميه على الارض مغمى عليها(يفتكرها نايمه او تمثل..) ويقوم يناديها وهي ماترد ويحاول يحركها ويللقاها ماتتحرك ..ويقوم ينفجع ويخاف انها تكون ماتت و ينادي زوجته ويقولها بسرعه تعالي شيليها معايه نوديها على المستشفى..
وتجي زوجته وتشيلها معاه ..وهم شايلينها تجي سوسن وتشوف أختها هناء في هذا المنظر وتقوم تصيح هناء هناء ردي عليه..وتقول سوسن ابويه انا بروح معكم و..وابوها يقولها انثبري بالبيت يله لابارك الله فيك ولا في اختك ذي البلوه..!
ويودو هناء المستشفى وتتنوم يومين في المستشفى ..وبعدما خرجت من المستشف وراحت على البيت ..ابوهاجابها:
ويقوم ينادي زوجته ام سالم ويقولها هذي ما عاد لها روحه بعد كذه ولا أي مكان لا كليه ولا غيره وحتى أي مكان بالبيت بإذن منك وانتي الي تتولين شؤونها..؟؟
وتقوله ابشررررررر يابو سالم مالك الا طيب الخاطر...
ويقوم يروح ابوها ..وتجي زوجة ابوها و تشدها من طرف ثيابها وتسحبها للمطبخ ...
زوجة ابوها: شفتي هذي الصحون ابيك تجليها زين ..وشفتي هالمطبخ ويش حلاته ابيك من اليوم يا حلوة تنامين به وتقعدين فيه..يله اسرعي جيبي ملابسك هنا وبسرعه ارجعي..يله ياويلك لو تأخرتي...
تروح هناء المسكينه بنفس مكسورة وتدق باب الغرفه على اختها سوسن وتتفاجأ سوسن بجية أختها هناء لها ولكنها تشوف وجهها وجسمها ملون من اثار الضرب ةتقوم تحضنها وتبكي وتسألها ..متى جيتي ؟؟وابويه خلااااص سامحك؟؟؟ وتطلب منها انها ترتاح في سريرها..؟؟
هناء: لا لسه انا الحين جايه بس اخذ ملابسي واسلم عليك وبروح اجلس بالمطبخ ..
سوسن:وليش بالمطبخ؟؟
هناء:عشان انا الخدامه الجديده...عند زوجة ابويه؟؟؟
وتقوم زوجة ابوها بأعلى صوت تناديها :هنــــــــــــــــــــــــــــــــــــــــــاء وينك يابنت وايش تسوين؟؟؟
تروح هناءوعيونها تطالع اختها سوسن وهي كلها دموووع......!!
وفي هذه الاثناء بنات الشله كانو كلهم قلقانين وخايفين على صديقتهم هناء..وبالذات فايزة تحس بتأنيب الضمير لأنها هي السبب في الي حصل لهناء..
فايزة:بنات ايش تتوقعوا صار على هنو ؟؟؟
نيفين : اتوقع انه ابوها حابسها ..حنان:ا يوة ويمكن كمان ضربها..
ليلى : يالله مسكينه لازم نتصرف بسرعه ونخلصها من مشكلتها ..
سمر: كيف حتتصرفي بالله واحنا محنا قادرين نوصل للبنت حتى جوال ما عندها ولا أي رقم تلفون حتى ؟؟
فايزة: اقولكم البنت شكلها ماراح تداوم خلااااص انسوها...
وعلى طووول البنات يبدأو بالكلام في موضوع ثاني ونسيوها..
وبالرغم من ان هناء كانت في تلك الفتره تحت ظروف مايعلمها الا الله تعاني من تعذيب زوجة ابوها لها وغير الكلام والتجريح الي كانت تسمعه منها كل يوم ... الا انها كانت تفتكر صحباتها وما نسيتهم طيلة هذيك الفتره....
ويمر اسبوع واسبوعين وثلاثة وهناء تحت انواع العذاب النفسي و وضعها الأليم هو هو نفسه ما تغيرو من اردى لااردى...وتمر الاياام وهناء صابرة تنتظر الفرج وتدعي ربها ان يفرج كربتها ....
وفي يوم من الايام و في الصباح وهناء تسوي الفطور لأبوها سمعت ابوها يكلم في التليفون ....؟؟؟
وسمعته وهو يكلم مديره شؤون الطالبات حق الكليه ويقولها انشاء الله بكره تداوم...!!
فرحت هناء واستبشرت خير في ذاك الصباح والفرحه مش سايعتها (على قولة اخوانا المصريين)...........
وراحت قدمت الفطور لأبوها وقالها,,,(وعلى فكرة هناء طول هذيك الفترة وهي كل يوم وكل ما تشوف ابوها تروح تسلم عليه وتعتذر له..وهو مطنشها..يبي يربيها ويبيها تحس بغلطتها..)
ابوها:اجلسي يا بنتي ابيك بكلام؟؟؟
هناء: طيب يا ابويه ..خير ايش في ؟؟
ابوها:الحين انا فكرت ارجعك للكليه بس بشرط واحد ..؟؟
هناء :مشكور يا ابويه واللله يخليك لي وتقوم تسلم على راسه..ووووو...الخ
ابوها:اسمعيني زين لا اشوفك تتأخرين ولا يوم وتلبسين طرحتك وشالك و كعشتك هذي لا اشوفها ولا ها ..؟؟؟
هناء :ابشر يا ابويه الي تام ربه وان انفذه وانشاء الله اكون عند حسن ظنك...
ابوها:ومن بكره ابيك تداومين..وها مثل ما وصيتك؟؟؟
هناء: انشاء الله ابويه..
ابوها:يله الحين تاخذين هدومك من المطبخ وتروحين عن اختك سوسن ...!
هناء: ( وهي طايره من الفرحه) مشكور ياابويه وما قصرت..وتروح تجري تاخذ ملابسها وتدخل الغرفه فجأه على اختها سوسن ويفرحو ببعض ..وتنام في هذاك اليوم براحه ومشتاقه الى بنات الشله.....


هناء تصحى الصبح وهي مشتاقه مررررره لبنات الشله ..وتلبس وتروح بالباص ..واول ما توصل الكليه تتجه للمبنى الي هي تدرس فيه ..وفجأة تلاقي صديقتها القديمه منى...!
منى: وهي مو مصدقه هناء؟؟؟ وباستغراب منى تسألها ..وقاصه شعرك؟ يابنت ماشاالله ايش هذا اللوك الجديد ؟؟
هناء:تبتسم وتقولها كيف حالك؟
منى : (بنظرة عتاب) وينك يابنت ولحد شايفك ياقاطعه من زمان عنك...؟؟
هناء :ولا شي بس صارت لي ظروووف..!!
منى: تستغرب من تغير هناء عليها ..ّ!!!!!
منى:ظرووووف؟؟؟ علينا ؟؟؟؟(معقوله هناء تخبي عني شي؟؟؟)
هناء :تحاول تنهي الكلام مع منى وتستأذن منها وتقولها :معليش عن اذنك..وتروح؟؟؟(تبغى تشوف الشله بسرعه)
منى : تتضايق من تغير هناء المفاجئ وتقول في نفسها اصلا من يوم ما مشيت مع هذي الشله وهي متغيره عليه شكلها خلاااص ماعاد تبغاني وتنصدم منى من حركة صديقتها هناء وتتذكر صدمة هناء من اخواتها وامها..؟؟!!
هناء تدخل عالمبنى تلاقي بنات الشله جالسات ويثرثرو مع بعض..وفجأة نيفين تلمح هناء من بعيد وتأشر للبنات وتقولهم هناء جااات ويقومو البنات ويشوفوها ويصرخوا مع بعض هنووووووووووو..؟؟؟؟
ويقوموا يتسابقوا يجرو عليها ويسلموا عليها ..
فايزةلالالا اليوم حقها حفلة والله ولك وحشه يا هنو يا عسل؟؟ والبنات كلهم يقولولها وحشتينا كثيرررر؟؟
وهناء:ترد والله وانتوا اكثر وربي وحشتوني...
فايزة والبنات يسألوها فينك طول هالمده لاحس ولا خبر وين طسيتي؟؟
هناء تجلس تحكيهم حكايتها من طقطق لسلام عليكم؟؟؟.....وهم كلهم مجتمعين حواليها يسمعهوها..
وبعدين تجي الساعه 8 تماما هناء تستأذنهم وتروح عالمحاضرة وهم كمان يروحو على محاضراتهم...؟؟؟
وعلى نهاية الدوام بنات الشله كلهم فاجأو هناء بحفلة صغيرة في الكافتيريا..وغنو ورقصو وجابو كيكه؟؟؟
وهناء مررره فرحت وحست بقيمتها...
وبعد الحفله فايزة تقول لهناء يله يابنت عالبيت على طووول ما نبغالك مشاكل مع اهلك..؟؟
هناء تقوم تلبس عبايتها..وفايزة تشيل لها شنطتها وتوصلها الين باب الكليه وتسلم عليها في خدها وتحضنها وتعطيها شنطتها وتقولها في اذنها :بكره راح اجبلك هديه؟؟
هناء تقولها هديه؟؟ وليش هديه وايش المناسبه ؟؟
فايزة:بمناسبة زجوعك بالسلامه للشله ياقمر !!
هناء والله ما ابغا حاجه غير سلامتك ..
فايزة تبوسها( فلاي كيس ) وتقولها بااااي
هناء :بااااي

اكمل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟