لوك طبيعى مع جويل

ازيكوا يابنانيت . كنت بتفرج على برنامج جويل وكانت بتعمل خطوات لوك طبيعى حلو اوى عجبنى وحبيت تشوفوه معايا وقولولى رأيكوا

الخطوه الاولى : كريم الاساس

هى استخدمت كريم اساس سائل وحطته على كامل الوجه وحوالين العيون بالفرشاه واستخدمت لون قريب من لون البشره عشان تدى لوك طبيعى

الخطه الثانيه : الكونسيلر

استخدمت نوعين من الكونسيلر نوع سائل ونوع ستيك
السائل بيدى ضى حوالين العيون
اما الستيك فبيكون تقيل وبيداى الهالات السودا

بتحط الكونسيلر السائل نقط حوالين العين وبتوزعه بفرشه صغيره

اما الستيك بتحط بيه على طول حوالين العين وتوزعه بصوابعها

ملاحظين الفرق بين الاتنين

الخطوه الثالثه : الباودر

بتستخدم باودر لونها فاتح تحت العين عشان تدى ضوء للعين
وبتقول نختار الباودر ميكنش لونها على اصفر او بيج

اما باقى الوجه بتحط عليه لوس باودر

الخطوه الرابعه: ايلاينر

استخدمت قلم كحل جوه العين وبتملى اللى بين الرموش

بعده كده استخدمت شادو بنى تحت العيون عشان الكحل ميسيلش

الخطوه الخامسه : الماسكارا

استخدمت نوعين من الماسكارا نوع الفرشه بتاعتة الشعر اللى فيها قصير للرموش اللى تحت والنوع التانى شعرها كثيف واطول للرموش اللى فوق

نصائح للمحافظه على الماسكارا
بلاش تدخلى فرشه الماسكرا وتطلعيها كذا مره ورا بعض زى ما كتير مننا بيعمل لان الحركه دى بتدخل الهوا جوه وبتبوظها

الخطوه السادسه : رسم الحواجب

الاول بتمشط الحواجب لفوق بالفرشه بتاعتها عشان تعرف ترسم بين الشعر
وبترسم بقلم قريب من لون الحواجب بين الشعرات بتاعة الحواجب

وهنا استخدمت ايشادو

ونصيحتها بالنسبه للحواجب احسن حاجه لرسم الحواجب استخدام لون بنى او قريب من لونها بس بلاش اللون الاسود

الخطوه السابعة : احمر الخدود

استخدمت اللون البرونزى على عضمة الخد من جوه وعند الدقن من الجنبين وعند مقدمة الرأس

واستخدمت اللون الوردى على الخدود
لما بتحطى البلشر ابتسمى عشان تعرفى تحطى اللون كويس على الخدود

الخطوه الثامنه : احمر الشفاه

اختارت اللون الاحمر

وحطت فوقيه لمعه باللون الوردى

اللوك النهائى

توقيع أمــيرة الجزائر

مواضيع مماثلة