(الدجاج المفخر) مابتتخيلوا طعموا اللذيذ*****

مرحبا حبيباتي كيفكن اليوم جايبتلكن اكلة لذيذة كتيييييير بس للاسف مافي صور لانو ما عم اعرف نزل صورة هالموضوع جنني موضوع الصور يعني مارح طول عليكن
منبدا بالمقادير : لاترتعبوا من المقادير لانها كتيرة بس الاكلة جدا سهلة
دجاجة مقطعة
حبتان باذنجان مقطعة دوائر عريضة
حبتان كوسا دوائر عريضة
حبتان بندورة(طماطم) مقطعة ارباع
3 حبات بطاطا حجم وسط مقطعة ارباع
ربع كوب زيت زيتون
3 حبات جزر مقطع دوائر عريضة
ملح حسب الرغبة
كاري نصف ملعقة صغيرة
2 حبة هال
3 ورقات غار
فلفل اسود نصف ملعقة صغيرة
بصلة مقطعة ارباع
زرة حلوة ملعقة
عصير ليمونة واحدة
واذا بتحبي بهارات دجاج نصف ملعقة
الطريقة :
بتاخدي كل الخضروات بعد ما تقطعيها وبتخلطيها مع بعض
ماعدا البندورة والبصلة والبطاطا
بعدين بتجيبي صحن بتحطي الزيت والبهارات وعصير الليمونة وبتخلطيهن وبتبلي الدجاجة والخضروات( وماتنسي تتبلي البطاطا والبندورة) بالخلطة بتجيبي طنجرة واذا طنجرة ضغط احسن بس مافي مشكلة انا بساويها بطنجرة عادية
بنحطي البطاطا اول شي بتصفيها بآخر الطنجرة بعدين بتحطي جزء من الخضروات فوق البطاطا بعدها الدجاجة المتبلة وبتحطي بين قطع الدجاجة البصلة بعدين بتكملي الخضروات والبندورة بالاخير منشان ماتتخبص وبتحطي نصف كوب ماء بتسكري الطنجرة منيح ومابتفتحيها ابدا وبتشعلي الغاز ع الهاااااادي يعني متل الشمعة متل ما بقولو بعد ساعة بتستفقديها اذا بدها ماء ضيفيلها واذا ما بدها فورا سكري الغطا بس ما بتحتاج ماء لانو فيها خضار كتير بعد نصف ساعة شوفيها اذا استوت بالشوكة بدها ساعة ونصف تقريبا بس اذا كمية الدجاج كبيرة بدها ساعتين او اكتر لانو ع نار هادية..... هاد هو الدجاج المفخر سدقوني كتيرطيب اذا عجبكن ادعولي ما اظن يستاهل التقييم لانو مافي صور مستنية تنوروا صفحتي بردودكن حبيباتي

ملاحظة :ممكن تطبخي جنبها رز كل وحدة حسب ما تحب انا بساويها منسف
بساوي رز وبحط المفخر فوقة ممممممممم